武士拉麵 (已結業)

睇过啲食评见呢间评价都唔错，附近好多人食个间拉面又超多人排队，所以就黎左呢间武士拉面。夜晚唔算多人挂，前面系得两个人，大约十分钟就可以入座，算好快就可以入到。环境比较细，但格局同日本嘅拉面小店相似，都系一排座位，背后有衣架可以挂外套。点左个德川将军拉面，本身中意淋啲嘅拉面，但佢嘅面唔够淋。汤底浓郁，后尾有加少少鱼介，味道几特别，但加太多好易抢左本身汤底嘅味。对比其他出名嘅拉面，算系尚可，但未到一定要推界不可嘅程度。