一豊 (已結業)

想食天水围食拉面真系冇咩选择，今日黎左天耀呢间日本店。中午去到人唔算多，即卡有位坐底左，店入面环境都几舒服几大，日式居酒屋既装修都几适合朋友小聚。拣左最安全唔易中伏既九州厚切叉烧拉面，配寿司 / 加州卷，拣左加州卷。整体都不过不失，加州卷唔算特别高质，不过都唔难食，可接受。叉烧拉面都OK , 叉烧肥瘦岩岩好，拉面汤唔算话太香浓，淡淡地易入口，面条亦都够弹牙，入面既木耳份量都几多下，亦有大大粒流心蛋。本身想试埋佢既小食同炸物，不过一个人食唔到太多就放弃左。