鳴虎 (馬頭圍道) (已結業)

启岸巷子附近有好多餐厅，呢一间喺马路边嘅餐厅成日搭车都会经过，所以今日就一于嚟试吓，估唔到有惊喜㖞！北海道辛味增拉面呢个系佢哋嘅期间限定，汤底会食得出比较浓厚嘅辛辣味，每一啖饮落去都会刺激你嘅味蕾，但系就越饮越上瘾！上面嘅配料都好丰富，包括有叉烧，蟹柳同糖心蛋！叉烧睇个样都知道好大块，而且好入味，咬落腍得来又唔会散收收，蟹柳都好粗身同新鲜，食得出系靓料！整体嚟讲呢一个拉面好惹味！真系会令人食过返寻味！黑胡椒猪软骨拉面呢个都系佢哋嘅期间限定，出面好少食到呢个搭配嘅拉面，所以我哋就索性叫咗一碗你试吓！呢个汤底饮落虽然冇上面𠮶个咁浓烈，但系仍然有好浓嘅胡椒味同香油味！猪软骨好大嚿，咬落好软腍，而且系腌得好入味！面身我拣咗比较硬嘅质地，比较有咬口，而且都几挂汤！不错！总括依然呢间拉面店啲拉面都好有特色，尤其系期间限定嘅款式，我觉得都好值得去试下！