茶房別天神

营业中

休息中

今日放工就去左太古揾下有啲咩野食，行入aeon见到有间别天神，谂都冇谂就即刻入左去。虽然别天神除左拉面仲有啲咖喱饭个啲可以食，但系都系抗拒唔到佢嘅猪骨汤底同樱花虾汤底！先讲下佢嘅樱花虾拉面。个汤一啲都唔会太咸，一饮落去啲樱花虾味即刻涌晒上黎，再食一啖脂肪同肉比例啱啱好嘅叉烧，再黎一啖有质感，烟韧冇发涨嘅拉面，间直系冇得弹。食左一半同我个朋友交换左个面黎食。上面未讲别天神有个好好嘅地方，就系佢有提供切到非常容嘅蒜蓉。切到咁蓉嘅好处就系一加入啲拉面到，搅一搅就会好有蒜蓉味，又唔会食到一旧旧蒜蓉辣亲。个猪骨汤本身好有猪骨味，再加左啲蒜蓉之后，将佢本身嘅腻减少左，再提升左猪骨嘅香味，真系唔输俾樱花虾！每碗拉面都有只溏心蛋，净系睇都知好味！我同朋友一人拣左一个唔同嘅伴菜，一个系饺子，一个系龙虾沙律。食几啖拉面，再食下啲伴菜，搅到成餐饭唔会好dry净系得一样野食！P.S. 个沙律用紫菜包好好味！