味千拉麵 (第一城中心) (已結業)

今日收工返屋企，点知系第一城落错左车，咁唯有将错就错，系第一城揾食。行行下，见到间味千拉面，真系好多回忆，系我记忆中，佢应该系香港拉面既始祖，以我认识计，其实自从市面上多左好多唔好既拉面铺，真系少食左，今日既然行过见到，紧系要再回味下，但由于要赶番屋企，唯有外卖。原来味千都有沾面，不过今日想食汤面多d,点左个"味千之霸",咁耐冇试，紧系要试下佢个招牌la。以前细个食就觉得好贵，依家大个左发觉其实价钱都几平民。几十蚊食到。原来依家味千咁先进，真系始祖冇讲错，佢真系比人行先一步，以我认知，除左依家d即食火㶽会咁包装外，香港冇应该冇拉面铺会咁样处理个外卖拉面，依个火㶽形式既拉面真系好拎我惊喜。佢仲好细心，有埋教学教你点加热番个面同汤底。佢地d汤底都系现装落袋，唔系话预先整定冷藏俾你再翻热。你睇下d豚肉，又厚又大块，个蛋仲好糖心tim.既然要食紧系要食好d,肥牛金菇卷，好好食，牛肉够淋，金菇吸晒d肉汁，超好食。食完个小食，个面刚好加热完成，真系够晒热，唔会好似其他拉面外卖咁，拎到返屋企都唔热，已经系暖，味千真系抵赞，够贴心，外卖都可以食到好似堂食既风味。