麵鮮醬油房周月 (歌賦街)

营业中

休息中

见杂志介绍沾面今日特登来试，lunch时间等左15分钟有位。灯光好暗楼底好矮故意形做日本旧式拉面店格局。麺有三种唔同选择：沾面、捞面、拉面，仲有饭同小食，种类算多元化。我点了沾面，朋友点了拉面。沾面（200g):可选唔同分量但价钱一样，正常人200g啱啱好，个面得半只半熟蛋，摆得好求奇，卖相唔多讨好；个汤好油，有d叉烧条同笋丝，叉烧又好肥。面点落去只挂住d油点唔到汤，食落好酸，应该系加左醋，完全食唔到鸡汤同酱油嘅味，真系好油，个面硬得来系似未煮透嘅感觉，唔系爽口。食完个面加鸡汤试埋个汤，已要求多汤，但都系好酸好油，饮一啖即刻有d毛管楝。同陈生嘅隐家比较，隐家无论卖相，面质，汤底都好好多。周月拉面：面是幼面，都算爽口，但略嫌淋左少少，汤底是酱油汤底，清清地唔会太浓。相比起沾面，拉面反而好一点，佢有少少似日本一籣嘅味道，但系无咁香。见隔离食捞面卖相都系一般，同样用沾面个面底，自己加酱油同醋。