火柴盒

营业中

休息中

呢間餐廳如果唔係朋友介紹，都冇咩機會認識到，而且位置偏遠，冇座駕嘅話真係比較難去。雖則如此，呢度食物嘅水準比預期好食，無論雞白湯雞脾拉麵或者黑松露湯底，一樣十分濃厚。麵身係細麵，好配濃湯底，而且有咬口，成個配搭好夾。和牛有肉味而且唔過熟，調味做得幾好。焗蠔肥美，唔會整到好乾，而且唔腥。玉子燒份量唔少，而且冇過老。而麻辣牛舌幾有驚喜，除咗夠厚，估唔到牛舌幾適合譚仔麻辣醬。食住串燒飲住酒，望住外面郊外嘅景色，感覺非常唔錯。係偏遠地方都係個優點黎。