影片
更多
2014-08-20
1223 浏览
7.5/10 plates emptied!「嘿，老板！」「哦，啱收工？」「今日未食饭就谂起你尐拉面。」「好，即到！」唔知大家有无睇过《深夜食堂》，神虎拉面的铺面好似深夜食堂，食客睇到厨房，只有”L字形”的Bar台位，地方好细，但午饭时间要排队15-30分钟，人多仲要等得耐。总感觉在香港食拉面同在日本小铺食有差距，其实唔一定系因为D麺或汤底，好多时系因为企在你面前整俾你食果位师傅。在日本，师傅会亲自问你，食之前要咩，食完感觉点，会教埋你点食，小铺根本系一脚踢唔需要服务员落单，亦唔需要划纸仔，可惜在香港文化底下，呢类型的拉麺馆真系一间都无。入正题，评点下在拉面馆必点的食物，豚骨味、酱油味、味噌味和盐味系日本传统拉面的四种口味，呢度系豚骨味拉面做主打：神虎拉面 HKD$83基本配料有叉烧、怪味笋、紫菜、爽口木耳。浑浊的黄白汤面浮有好多猪背脂，白色一粒粒，喜爱清淡的朋友可能会唔中意，但呢个其实系足料的象征，在日本系好普遍的做法，因为会增加入口的厚重和油滑感。因此汤头豚肉味很出，但相对名店豚王而言都仲系比较清，可能系味噌的关系，唔会太油腻，亦比一风堂的胜出好多。Carly呢碗选择了幼麺软身，面
[Written by Gobay]
「嘿，老板！」「哦，啱收工？」
「今日未食饭就谂起你尐拉面。」
「好，即到！」
唔知大家有无睇过《深夜食堂》，神虎拉面的铺面好似深夜食堂，食客睇到厨房，只有”L字形”的Bar台位，地方好细，但午饭时间要排队15-30分钟，人多仲要等得耐。总感觉在香港食拉面同在日本小铺食有差距，其实唔一定系因为D麺或汤底，好多时系因为企在你面前整俾你食果位师傅。在日本，师傅会亲自问你，食之前要咩，食完感觉点，会教埋你点食，小铺根本系一脚踢唔需要服务员落单，亦唔需要划纸仔，可惜在香港文化底下，呢类型的拉麺馆真系一间都无。入正题，评点下在拉面馆必点的食物，豚骨味、酱油味、味噌味和盐味系日本传统拉面的四种口味，呢度系豚骨味拉面做主打：
神虎拉面 HKD$83基本配料有叉烧、怪味笋、紫菜、爽口木耳。浑浊的黄白汤面浮有好多猪背脂，白色一粒粒，喜爱清淡的朋友可能会唔中意，但呢个其实系足料的象征，在日本系好普遍的做法，因为会增加入口的厚重和油滑感。因此汤头豚肉味很出，但相对名店豚王而言都仲系比较清，可能系味噌的关系，唔会太油腻，亦比一风堂的胜出好多。Carly呢碗选择了幼麺软身，面条上唔系挂左太多的汤汁，但入口果下都颇为丰富湿润，汤头的豚肉味亦都完整地包住尐麺。麺上的时候有一小撮特制辣酱，有种清新去油腻的感觉。叉烧相对一般，但怪味笋和木耳真系好爽口，味道口感都不俗!
赤虎拉面 HKD$78 + 糖心蛋 HKD$10餐牌上面介绍话系用在大阪分店好受欢迎的特制辣酱煮成的，所拣选的配搭系粗面硬身，外加糖心蛋一只。汤底爽口，因为本身辣酱就开胃，更加化解左浓郁的豚肉汤的油滞感。辣酱的有种独特的咸鲜味，直冲味蕾，辣度够但带俾舌底的刺热感并唔强烈，所以食起身舒服噶，体偏咸左少少。糖心蛋一流，落箸果下已经感受到果种绵软，唔使咬开你已经可以确定它一定流心，非常好味。粗面韧度够，但麺本身的味道完全被辣味覆盖，有点美中不足，但亦都系正常的事。
黑虎拉面 HKD$78特别元素是黑蒜油，好食过一风堂现时推出紧的限定的黑蒜粗拉面，但蒜味就掩盖住本身的豚肉味，当然食起来口感更清爽一尐。
煎饺子 HKD$38呢个纯属惊喜——好味的煎饺子！饺皮系爽的，无粉粉水水的感觉，馅料加左韭菜，和猪肉系绝配，再点上酸酸甜甜的酱油，味道真系值得推介。
另外台头配有高菜、红姜和辣豆芽，算系香港拉面馆相对少有的搭配，几开胃。Gobay food knowledge corner: 高菜即系芥菜的一种，好适合用来腌制，口感类似冬菜。日本红姜并唔系云南的野生姜品种，而是用梅子汁腌制的嫩姜，酸辣甜爽，十分鲜味亦营养丰富。
张贴
