團日式拉麵

营业中

休息中

平时堂食拉面系食完就卖单，但依到好特别系好似日本咁有部拉面售票机，真系好似去咗转日本咁 好搞笑，依到嘅拉面好味之余舖头设计仲好适合打卡添，绝对要同朋友嚟食一次。依个就系售价机，真系好过瘾。叫咗个黑蒜油拉面，黑蒜油味好香同豚骨汤好夹，饮落好顺口而且味道超级浓郁，叉烧大大件应该有烧一烧个面因为有少少火灸香，面条软硬适中带点咬口，溏心蛋好好食 流心程度100分。溏心蛋嘅蛋白好入味，蛋黄好滑仲会有少少黏口。辛辣拉面比较无咁腻，可以一啖接一啖咁入口，汤底仲要带啲辣味，浸味好令人上瘾。仲叫咗两枝嘢饮葡萄梳打同蜜瓜梳打，葡萄梳打唔药水味，饮落就清啲无咁甜腻，蜜瓜梳打就比较甜，但蜜瓜味唔假 饮落喉咙好舒服，食浓味嘅拉面最好就系gur一gur佢。