藤津日本料理

营业中

休息中

（长文）话说同朋友喺粉岭聚旧，大家都想帮衬啲小店，咁行过见到呢间好有读书𠮶啲平价小食店，就入去回忆下。入到去拣咗热食，因为我个人比较容易肚屙所以拣咗吉列猪扒拉面。黎到第一啖系试一下汤底，但汤底有水喉水味，要加五味粉遮一遮。到食拉面，预咗系啲有弹性嘅港式拉面，所以都ok，但食到第三啖个阵，见到有条橡筋连埋啲面一齐，所以就叫咗两位老板黎睇睇。本身男老板见到话想帮我换咗佢，但当时见到条橡筋就无咗想食落去嘅心情，所以我话「唔洗，我唔食㗎啦」，之后个老板娘走黎望两望讲咗句：「哦橡筋，我哋煮个阵唔知㗎，应该系个供应商捞埋咗一齐，我同佢哋讲，我哋真系煮嘅唔会知。」然后走咗去。呢一刻我同朋友真系已经食唔落去，因为佢嘅态度真系非常差，所以埋单走，但佢就无收我个拉面钱。不过，当时我哋好唔理解佢哋嘅不负责任态度，所以朋友直接问老板娘：「但点解你一句唔好意思都无嘅？」然后老板娘就发恶话：「所以我咪唔收你钱啰！我已经无收你钱啦！」最后找完钱就不欢而散。其实如果当时我无望住啲面或者见唔到，其实分分钟真系会食到条橡筋，但佢哋一句唔好意思都无，就咁讲啲推卸责任嘅说话就走开。呢间小店真系帮唔落，亦都唔会再回头。