鳴虎 (北帝街) (已結業)

香港要揾一间好食嘅拉面店一啲都唔易。呢间拉面系我屋企附近新开，有一晚肚饿就走落去试吓，点知系喜出望外！我叫咗一份四国香葱油拉面、一个鳗鱼丼同一份煎饺子。三样我都非常满意，实在系难得。面质有啲特别，唔喺香港一般食到个种，佢幼得来都好弹牙，挂面能力亦都唔错。汤底有非常之香葱味同埋豚骨香。鳗鱼饭系令我最有惊喜嘅，因为一般嘅日本餐厅鳗鱼饭都系好腥同埋就咁叮热d鳗鱼就算。但系呢度𠮶个就一啲都唔腥，系有蒲烧既味道同埋旧鳗鱼几厚肉！最后就系个饺子，望落就有少少平平无奇，但系食落就非常精彩，佢劲香脆同多肉汁。系我近期食过最好食嘅饺子！