和拉麵

营业中

休息中

和拉面主要有三种口味的拉面选择，分别是豚骨原味拉面、辛辣拉面及味噌拉面呢！本人一向喜欢吃辛辣拉面，辣是我必然的选择呢，连浓度都可以选择，特浓加$8 就可以，啱哂重口味既朋友。辛辣普通汤底配普通葱蒜普通硬度拉面，拉面一送上嚟，一定要饮一啖汤底，汤底味道好浓郁，猪骨味好浓，辣到啱啱好，面质亦都非常之有口感同弹牙，而且仲有留心蛋，一咬，蛋浆流晒出嚟，非常之正。而且个叉烧系半肥瘦，煎到非常之香，而且薄薄一片，又有口感又好香口，仲有紫菜，仲有好多其他配菜，非常知足料，满足！味噌拉面，我就拣咗普通软硬度，所以食落口都唔会太硬或者太软，师傅控制煮面嘅时间都掌握得好好。份叉烧比出面一般拉面店略有不同，食落比较爽口，而且肥瘦适中，好欣赏佢地整嘅叉烧呀！虽然肉份量唔算系多，不过真系几好食。有阵烟过同烧过既味道，个猪皮好弹，肉又够林！好食啊另有，佢地每张枱都有自家制芽菜，带有啲辣味，好开胃，食拉面嘅时候记得加埋落去，更加惹味。