麵道 (已結業)

今日入左黎呢个美食沙漠，原先以为会无咩好食，但喺石门地铁站旁发现左呢间拉面，印象中呢间系连锁嘅日式餐厅，感觉唔系太差，所以就坐低试下佢。配料食拉面我有个嗜好，就系要食个芽菜配料，好食我会加埋入个拉面到食，好可惜呢到个芽菜虽然够辣，但味道麻麻，完全无令我有想食第二啖嘅感觉。辣肉味㬝叉烧溏心蛋酱油豚骨汤拉面 $86第一啖一定系试左无辣嘅汤先，汤底尚算浓郁，都几够味，酱油味几重，相反豚骨味就唔系几饮得出。之后捞埋个辣，都几惹味，唔算太辣，岩哂我呢d唔系太食得辣嘅人。至于个面，硬度适中，口感唔错。而个叉烧都几肥，但个紫菜一黎到巳经浸哂落个汤到淋哂。整体而言，个拉面系合格嘅，都几好味，不过我食完之后几个钟都几口干，相信都落左唔少味精。烧饺子 $25卖相虽然麻麻，但味道都唔错。廿五蚊有五只，都几抵食👍🏻虽然整体唔系话好高质素，但喺呢度黎讲应该算系唔错嘅选择。