麺屋·隠 (已結業)

元朗旧佳记甜品附近，大坑渠直入去明爱陈震夏纪念中学嘅一小段路中间，有一间日本拉面小店，店名叫做「隐」。虽然间拉面店舖位面积不算很大，但是仲保留住一D传统日本拉面店嘅风格同面貌。我几乎已经将屯门元朗天水围嘅拉面店都食完啦，而今次路过发现到呢间「隐」拉面当然都唔会放过啦。当日虽然已经算早食晚饭(6:00) ，但估唔到店入面已经坐满晒客人，所以都要等一阵间先有位，原来呢间「隐」拉面都唔算太过隐秘。小食章鱼小丸子外皮好脆，配埋味道浓郁嘅酱同脆脆嘅木鱼碎，超正！入面系有八爪鱼架男朋友就点左赤隐，佢话食落好辣，因为加左d辣肉碎，但系就辣得好滋味。叉烧切片切得比一般稍厚，而且肥瘦分明我点左黑隐，即系黑蒜油拉面，黑蒜味好重，啖啖拉面都有浓浓嘅蒜味，层次丰富，香味浓郁，肉就有少少「鞋」，不过完全唔阻碍我享受拉面嘅味道，饮一啖汤，嘴中萦绕著蒜香和豚骨汤底鲜味。