巨一麵堂 (已結業)

咁啱喺附近有野做，时间未到又未食野，唔想行得远就喺附近揾食。啱啱过咗最繁忙时间，客人唔算好多，不用等位就可入座。午巿时段会有套餐，一碗细拉面加一碗细饭，有五款俾你拣。 啱哂有选择困难症既我，两样都有得食。🔸细叉烧拉面🔸有盐或者酱油汤底拣，我拣咗酱油汤底，味道ok的。 叉烧就像肉丁一样。🔸细炸猪扒饭🔸店员细心地先问我炸猪扒要等10分钟有无问题，我觉得都无所谓，反正可以先食拉面。应该系刚刚炸好，炸得都几脆，不过份量比较少，同埋酱汁不多，食哂猪扒都未食哂啲白饭。总括而言, 确实无乜惊喜, 味道还好。