麵屋豚豚拍子 x 辛味屋 (已結業)

同朋友睇完戏好肚饿，即刻揾野食～佢话食过呢间拉面🍜唔错，带我黎试下。拉面有十款咁多！之前佢食过札幌味噌招牌牛油拉面，话好味。今次佢就话拣个札幌味噌杂锦拉面，咩都有啲～有蟹棒、叉烧、猪软骨同半只溏心蛋，重有啲粟米同昆布。我试左猪软骨，软骨位好多，啱晒我呢啲钟意骨胶原既人😏🤪蛋做得够溏心，有蛋香，正！面质如果有得拣硬身少少就好喇。食既时候加少少七味粉汤底更香👍🏻汤底用左味噌、猪骨、昆布、洋葱等熬制，香浓得黎唔会过咸，食完即唔觉口渴。跟餐重可以拣一款小食，拣左煎饺子🥟，虽然唔系脆卜卜，但够热辣辣，入面有啲椰菜猪肉，点埋醋食去掉油腻感。除左拉面🍜，重有咖哩饭🍛、便当🍱、麻婆豆腐饭同寿喜烧！我地拣左牛肉寿喜烧锅定食，跟乌冬或者饭，入面有几片肥牛、两旧硬豆腐、娃娃菜、金菇，重有只蛋另外上，唔洗几分钟个锅就滚，啲野食熟晒，捞饭一流！最后重加左个小食～烧多春鱼，好味！少少脆，加啲柠檬汁食去腥又好开胃！两个餐都可以加$3叫热饮或者$5叫冻饮。