蘭州拉麵店 (已結業)

本人系非常喜欢食面，无论系日本拉面，中国面等都非常喜欢，咁今日就经开荃湾，就当然要再次试下好耐之前食过嘅兰州拉面啦！同以前一样，去到都系座无虚席，再加上而家已经唔俾ｄ枱摆街，里面坐得重辛苦，好彩我一个人就比较容易揾位！咁我自己就点左个五香牛肉面，跟餐饮豆浆，另外再加左个口水鸡！首先就系豆浆，豆浆好淡，无味！！！跟住见到师父即场拉面，好有型！口水鸡到啦，坦白讲唔够辣，以前辣好多，而且ｄ鸡完全无鸡味，都比较差！我最期待拉面到啦，汤底好清，牛肉都好淋，而且拉面keep到以前水准，面质非常弹牙，有口感，虽然其它野都较差，但起码我最期待嘅拉面都keep到，希望其他野会有改善啦！