大師兄銷魂麵舖

营业中

休息中

上网见到有新店开业，今晚就嚟试。等咗十五分钟先入坐，限食一小时。因为本身唔食得太辣，拣咗清汤三宝。拌面定咗微辣，食时唔觉辣，面算弹牙。三宝有牛肉片、牛筋及牛𦟌，每样有两件，牛肉比较淡，要点汁吃。跟餐小吃拣咗鸭血，虽然话麻辣，不过唔辣，味道正常。反为加$28嘅小吃就好一般。个麻辣鱼蛋好辣，得四粒，比较普通。另饭友叫嘅小吃老油条就好老，有D硬。另加钱还有杯饮品，拣咗冻冬瓜茶，第一次饮，觉得偏甜，可能要帮助解辣。服务几好，首日营运算唔错。