春禧堂台灣料理餐廳PLUS (已結業)

香港有好多台湾菜嘅选择，但系好多时都失望而回，因为始终觉得佢嘅牛肉汤底唔够浓，面质唔够弹牙，又或者台式饮品太甜，都系始终冇台湾味道咁地道🙈🙈🙈今日试咗喺油麻地嘅春禧堂，觉得拍得住台湾🤪🤪介绍俾大家🤩红烧腱心牛肉面 (纯牛骨汤) 🍜我最钟意佢嘅汤底🥰🥰🥰因为喺街食𠮶啲牛肉面，剩系得味精味，不过依度汤底好浓郁，而且佢嘅红烧牛展都好冧，面质弹牙！😋😋🤩盐酥鸡粒卤肉饭 🍛盐酥鸡粒好香脆，好彩卤肉都唔会好肥，令我罪恶咁冇咁大🙈🙈🙈而且份量好多，食完真系饱晒啦！🤩麻辣鸭血麻辣控制得恰到好处，唔会太辣😶‍🌫️😶‍🌫️，鸭血亦都唔会整得太咸或者太硬😆😆🤩香煎蚵仔煎煎得非常香口，唔吝啬咁样落咗唔少嘅蚵仔，连个酱汁食，认真开胃🤭🤭🤩黑糖珍珠鲜奶呢款就冇得调校甜度，不过甜味唔会太重，黑糖味啱啱好，珍珠弹牙！😍😍自选饮品有得自由选择个茶底，奶嘅款式，仲有toppings😍😍😍茶底有红茶同绿茶拣。奶底有香醇鲜奶同埋台式纯奶。我哋就拣咗绿茶同台式纯奶。配料都有好多选择，啱晒我呢啲贪心嘅人，有芦荟，珍珠，小芋圆🫶🫶🫶