陳黃記 (已結業)

下午茶时间入去，无咩客，谂住贪方便又见佢几干净。姐姐态度好好，价钱唔贵；叫左个醉鸡米线同酸菜猪肚鸡米线，点左啲麻辣，坚得；下之一定要试佢啲麻辣米线。个皮蛋小食同鸡肾好食；醉鸡好食拍得住平记；隔左几日再落去，叫左个炸猪扒麻酱捞面同南乳炸鸡件麻辣米线，件炸鸡件系炸粉同鸡之间有层南乳酱，几好咪既；不过麻酱面就麻麻地，好在个麻辣米线够水准，啲冬瓜真系淋哂，雪耳亦入味，拍得住谭仔，一啲都唔失礼，黎粉岭不妨一试。