影片
更多
2018-01-25
408 浏览
咁就今晚约左女朋友食饭啦，女朋友话返工唔系好开心，咁我就谂住带佢食返d好野同甜野等佢开心返d啦，系我念紧海港城有咩高级餐厅之际，脑海里就忽然念起La Postre啦，我记得e间西班牙餐厅系铜锣湾同埋上环果间店都好旺同埋出名好味呀！咁就一于e间啦，希望会令到佢开心返少少啦！咁大约7点半左右，去到厚福街嘅地舖啦！基本上成条厚福街都系人山人海，全部都系食肆，地舖又系，上楼又系，条街真系好旺，咁我地可能就早左少少去，都有张靓位坐，咁就埋位啦！入到去坐低之后，望一望周围环境都好优美，枱与枱之间嘅空间够阔阁，唔会话系好迫嘅感觉，而墙上装修都好时尚。除左我之外都重有好多客人周围影相。望下望下，望入佢个水吧，佢个水吧同埋沙律吧就真系超级干净，而且设备齐全，爱咖啡嘅我见到一部神物，就系e部意大利战神Bezzera嘅古董咖啡机，无记错e部咖啡机都要十四至十五万，有金色同银色，而我都觉得银色子弹仔型好多，咁e部咖啡机个卖点除左型之外，重有系做espresso温度 ，压力 ，准确高，如果大家都系用一样嘅豆，味道都一定比起其他机优胜呀！感觉上间餐厅嘅老板真系有要求，我念我地都无去错地方啦！其实本身我真系好想试下
咁大约7点半左右，去到厚福街嘅地舖啦！基本上成条厚福街都系人山人海，全部都系食肆，地舖又系，上楼又系，条街真系好旺，咁我地可能就早左少少去，都有张靓位坐，咁就埋位啦！
入到去坐低之后，望一望周围环境都好优美，枱与枱之间嘅空间够阔阁，唔会话系好迫嘅感觉，而墙上装修都好时尚。
除左我之外都重有好多客人周围影相。
望下望下，望入佢个水吧，佢个水吧同埋沙律吧就真系超级干净，而且设备齐全，爱咖啡嘅我见到一部神物，就系e部意大利战神Bezzera嘅古董咖啡机，无记错e部咖啡机都要十四至十五万，有金色同银色，而我都觉得银色子弹仔型好多，咁e部咖啡机个卖点除左型之外，重有系做espresso温度 ，压力 ，准确高，如果大家都系用一样嘅豆，味道都一定比起其他机优胜呀！感觉上间餐厅嘅老板真系有要求，我念我地都无去错地方啦！其实本身我真系好想试下杯咖啡呀！但系人老左，夜晚饮咖啡会训唔著呀！，所以我决定我会揾日蛇出黎high个tea,话晒部机都十几万，用几十蚊就可以感受到就真系超值呀！
好，咁跟住就望下个餐牌先!哗!餐牌款式非常非常多选择呀！小食类都系一般果d西班牙小食，有风干肠片并盘，有炸海鲜并盘等。主食就利害啦，有西班牙海鲜，猪手，乳猪件，牛肋条，牛仔骨，油封鸭腿，蟹类主题等，重有好多望落去都好好味嘅野食，由于我地得两个人，叫唔到太多，如果多几个人咁样我地就可以叫多几个菜啦，咁为免要我女友念太多野，咁就由我下决定啦，我地就点左一个小食，一个main,两杯饮品同一个甜品啦！
咁系等野食果阵，都会留意下佢d餐具，都真系非常特别，骨碟非常精美，带有金边，而刀叉同匙更加系有高级餐厅嘅标准，够干净，而且非常实用，特别系果张美金餐纸，我相信杀左唔少相机容量，靓到连我自己都唔舍得用呀！果一克真系好期待d食物快d黎呀！
好啦！起菜啦！第一道菜系小食嘅青柠蜂蜜单骨鸡翼啦！
青柠蜂蜜单骨鸡翼
$88
19 浏览
0 赞好
0 留言
鸡翼一放上枱果阵都已经阵阵嘅青柠香味啦，而份量都好足，足足有10只，鸡翼用左蜂蜜同青柠酱汁搽好之后烧，非常惹命，而且个皮好脆，脆得黎d鸡肉都算系滑，唔会话因为过晒火而好干好柴，外脆内嫩，食落去都重好香青柠味，而有d汁都会流左落d沙律菜度，令到d新鲜嘅沙律菜更加易入口，最后我地成碟连菜都食埋。
菠萝莫希托
$68
16 浏览
0 赞好
0 留言
鲜什果莫希托
$78
12 浏览
0 赞好
0 留言
好，跟住到饮品上场啦，有我选的鲜什果莫希托及我女友选得波罗莫希托。莫希托是一种传统的古巴高球鸡尾酒。传统上，莫希托是一种由五种材料制成的鸡尾酒：淡兰姆酒、白砂糖、青柠汁、苏打水和薄荷。首先是我的什果莫希托，超多款水果，有青柠，苹果，橙，波罗，莓等，饮落去好清甜，非常解渴。喉韵间还带著兰姆酒淡淡的醺香，但是就不会太重酒味，而我女友嘅菠萝莫希托系以菠萝味为主，里面都好多菠萝肉，加上兰姆酒和薄荷之后都系一样咁正，都系视乎自己嘅口味，视乎自己钟意边一只水果啦！
龙虾炖饭
$298
28 浏览
0 赞好
0 留言
好啦，到主餐出场啦，个main我就选择左个龙虾炖饭啦，一黎到我地两个就哗左一声，好大兜呀，正常呀！传统嘅西班牙炖饭就一定系用个pan上呀！另外好大只龙虾呀！e碟野卖相就真系无得输，咁我地就急不及待即刻试下个饭先啦！我就首先食左佢d饭先，西班牙炖饭是一道程续简单,却需要丰富经验才能做的好的料理,个饭用嘅系意大利米，炖饭是需要边加海鲜汤边炒米的,以防米在锅底烧焦，食落去都好有口感，同埋以我所知西班牙炖饭都系以海鲜汤同其他配料烩制嘅，系会用慢火收d汁入d饭度，咁个饭里面都有好多配料，包括凡立贝，虾子，有d唔知咩肠仔，我估系纽伦堡肠，重有d香草同埋青豆。食落去就重好香蕃茄同埋d香草味!女友都话好味!跟住就到只龙虾啦！龙虾旧肉都算大旧，另外就重有d虾膏，龙虾肉食落都可以，都够弹牙!而只钳呀师傅都整碎左个虾壳，方便进食，非常之细心。但系之后女友话留肚食甜品wor....搞到我要清晒d饭，乜食甜品唔系用第二个胃咩!?
食晒啦，店员帮我地收晒d餐具，换返套新嘅餐具俾我，准备好上甜品啦！甜品我地系叫左杂果麻糬窝夫，黎到之后见到佢根本就系同个餐牌一模一样，女友就即刻自己攞刀切，而旧雪糕就俾佢充公左啦！，咁个窝夫上面d杂果都有好多款，有无花果，奇异果，士多啤梨，火龙果及桑莓，颜色衬得非常好，而旧窝夫食落去就一定食得出系即叫即整呀！都好香蛋味，而中间果d麻糬都几香，如果想甜d可以再加d枫糖，但系食左几碗饭嘅我就反而觉得有d腻，但系总结黎讲都系香呀！如果再点埋d雪糕食我觉得会好食d law.....
什果麻糬窝夫
$138
16 浏览
0 赞好
0 留言
好，最后埋单啦，价钱唔算好贵，平均三百几蚊，最后餐厅重送一人一盒薄荷糖俾我地。总结黎讲，餐厅装修好靓，欧洲风格，而设备都超正，我一定会黎试部咖啡机呀，而且服务都非常好，系一班靓仔靓女招呼，值得推介。
张贴
