祥榮茶冰廳

营业中

休息中

作为专业食评员😂😂😂为左食多几款食品，连食三日祥荣。呢间野之前拍戏见过🤔怀旧茶记又旧大地方，见到地砖同卡位格局就知呢啲先叫classic😌三次都系下午茶黎食。第一日试炒野，食咗个厦门炒米同埋海鲜炒公仔面。茶餐唔贵三十几蚊细细碟，厦门炒米嘅酸菜唔咸唔酸味道偏淡几开胃。海鲜炒公仔面，配料同厦门米一样都几多，海鲜就唔多㗎喇，可能呢头老人家食客居多所以味道都系比较温和冻柠茶同冻奶茶就几大杯，奶茶几香。第二日唔坐卡位喇，因为枱细张同对面位距离太近。普通位只脚可以伸下😂今次食豆冰炸脾同白汁海鲜焗饭。红豆冰多豆有成半杯，豆够软半溶唔系粒粒，花奶足唔会沟太多水，唔太甜几好。炸鸡脾比想象细只，无落粉炸真心好！皮脆肉就唔算嫩滑都唔会韧既，味道就正常唔特别。个焗饭就普通，有块㶶咗嘅芝士系面，个白汁都几多几杰见唔到个饭底。饭兜细啲又浅啲，海鲜唔多既，饭都软身，味道都系普通唔难食既。第三日黑椒汁鸡翼捞公仔面，呢个系呢几日食得最重口味架喇，有啲菜𩠌面，公仔面唔系福麺好好，公仔面有弹性，大鱼柳包鱼柳唔大块又唔厚身，胜在够脆又唔厚粉，估唔到鱼肉嫩既，包系长身餐包软软的黄油包好香，包入面有蕃茄同菜，酱再多啲就好。