老馮茶居 (海寶花園)

终于试到呢一间成日排队嘅小店，啲点心好好食唔怪得知长期都要排队啦，叫咗八个点心全部都唔错。鲮鱼球冇声未难得难得。鹌鹑蛋烧卖最劲系粒鹌鹑蛋冇噏味，虽然出面唔系好多地方食到鹌鹑蛋烧卖，但系印象中食亲都系有浸噏味嘅。牛肉球冇乜肥肉又系好难得。潮州粉果一笼有三件呢个真系好食，出面啲潮州粉果块皮成日都系一pat pat，呢度就唔会，同埋呢度潮州粉果入面啲馅好新鲜好好食，沙葛同花生都正。炸芋角反而就一般，可能唔够热。鲜虾腐皮卷发腐皮炸得好脆，腐皮卷入面嘅馅料亦都好新鲜。香滑米黄肠其实真系斋肠，好好食，好滑。叉烧包啲馅好靓，有叉烧肉而唔系叉烧酱。