影片
更多
2018-06-05
28 浏览
呢间系朋友介绍我食既车仔面，喺正B仔对面。首先我觉得入边个环境唔错，虽然铺头唔大，但系入边嘅座位都算几阔落。一定要介绍就系呢杯青柠薄荷叶梳打，本身我系一啲惊草青味嘅人，但系呢个青柠中和左𠮶阵草青味，好带出到𠮶阵薄荷味，夏天饮真系解暑一流。另外呢度啲𩠌都几特别有埋啲海鲜，例如青口同珍珠元贝都几鲜味，元贝同鲜虾仲会剪到细细粒非常方便。另外值得一赞系个粗面，唔会好似平时街边啲铺头煮到淋哂好似食糊仔。呢度最特别嘅一定系鳄鱼汤底，我同男朋友一人叫咗一碗，微辣𠮶碗嘅辣味好突出，比清汤咸少少，而清汤就比较淡，仲带有一阵鲜甜味，男朋友都忍唔住饮左半碗汤先收手！不得不提嘅系啲香口小食，网纹春卷炸得好脆，亦唔会咬落去成口油。我地两个人叫左个细网纹春卷(3件)，连平时唔系好钟意食炸嘢嘅我都食咗两旧，的确好有惊喜，已经期待下次再去元朗会encore呢间笃笃车！
首先我觉得入边个环境唔错，虽然铺头唔大，但系入边嘅座位都算几阔落。一定要介绍就系呢杯青柠薄荷叶梳打，本身我系一啲惊草青味嘅人，但系呢个青柠中和左𠮶阵草青味，好带出到𠮶阵薄荷味，夏天饮真系解暑一流。另外呢度啲𩠌都几特别有埋啲海鲜，例如青口同珍珠元贝都几鲜味，元贝同鲜虾仲会剪到细细粒非常方便。另外值得一赞系个粗面，唔会好似平时街边啲铺头煮到淋哂好似食糊仔。呢度最特别嘅一定系鳄鱼汤底，我同男朋友一人叫咗一碗，微辣𠮶碗嘅辣味好突出，比清汤咸少少，而清汤就比较淡，仲带有一阵鲜甜味，男朋友都忍唔住饮左半碗汤先收手！不得不提嘅系啲香口小食，网纹春卷炸得好脆，亦唔会咬落去成口油。我地两个人叫左个细网纹春卷(3件)，连平时唔系好钟意食炸嘢嘅我都食咗两旧，的确好有惊喜，已经期待下次再去元朗会encore呢间笃笃车！
张贴
