MEMOIR (已結業)

拍拖嚟讲，仪式感真系非常重要，所以特登同男朋友揾咗间气氛好、又多好评嘅餐厅。之前已经成日听朋友推介Memoir，今次终于有机会食到，果然无令人失望！16小时慢煮油封鸭髀慢煮令鸭肉鲜嫩多汁，鸭皮煎得酥脆，入口外脆内软，厨师非常有创意用酸酸甜甜嘅腌萝卜做配菜，开胃又解腻！日式芥末汁烧带子意粉带子煎得刚刚好，味道鲜甜，搭配上日式芥末汁，意粉吸收咗酱汁嘅风味，入口有淡淡嘅辛辣味，味道配搭得好好，食得出好有心思！法式焦糖炖蛋炖蛋配上一层烧焦嘅焦糖，焦糖烧得啱啱好又平均，唔会有太㶶嘅情况，炖蛋香甜得嚟有阵阵蛋香同奶香，口感幼滑，女士一定爱！