影片
更多
2013-12-01
183 浏览
今日放假，可以同鱼佬去拍下拖！佢话有间咖啡馆想带我去食！不过一定要早半个钟去排队！餐厅响一楼，我哋去到人龙已经排到落地下！鱼佬解释！餐厅不设订位！除了第一批人客可以即刻入去！之后要取票等位！仲要错失咗个轮候号码！只不过系一个号码！都唔会比枱！要重新轮候！每张枱只可以食一个半小时！（90分钟）所以就要早点嚟等！大家响玩住手机倾下偈消磨咗二十分钟！餐厅十二点准时开门！大家入场！门口有个讲国语嘅台湾美眉问我哋几位！（侍应只讲国语，不过识听广东话）入到去旁边嘅梳化位已经满咗！我哋要坐近门口大枱！环境装修简约干净明亮，侍应全部后生仔女！坐低面前已经放好咗餐牌餐具！餐牌成份报纸咁！感觉好新潮，因为唔想浪费时间，响等位时已经上openrice睇定招牌菜！所以好快已经可以落单！叫咗：美式摩卡咖啡：（$46）---饮品上得最快，配两片干果曲奇，咖啡拉花！咖啡杯手柄及铁匙手柄扭曲，感觉新潮，卖相真的不错！咖啡味香浓，朱古力味反而唔太觉，可惜温度只系微暖！（我最憎嘅情况）两片干果饼干好薄好香脆，本来可以更好！若是温度啱的话。冰鲜果茶：（$58）---鱼佬饮，一樽玻璃瓶装满鲜黄色杂果汁！连埋一个茶包，裹面有桔
今日放假，可以同鱼佬去拍下拖！佢话有间咖啡馆想带我去食！不过一定要早半个钟去排队！餐厅响一楼，我哋去到人龙已经排到落地下！鱼佬解释！餐厅不设订位！除了第一批人客可以即刻入去！之后要取票等位！仲要错失咗个轮候号码！只不过系一个号码！都唔会比枱！要重新轮候！每张枱只可以食一个半小时！（90分钟）所以就要早点嚟等！大家响玩住手机倾下偈消磨咗二十分钟！餐厅十二点准时开门！大家入场！门口有个讲国语嘅台湾美眉问我哋几位！（侍应只讲国语，不过识听广东话）入到去旁边嘅梳化位已经满咗！我哋要坐近门口大枱！环境装修简约干净明亮，侍应全部后生仔女！坐低面前已经放好咗餐牌餐具！餐牌成份报纸咁！感觉好新潮，因为唔想浪费时间，响等位时已经上openrice睇定招牌菜！所以好快已经可以落单！叫咗：美式摩卡咖啡：（$46）---饮品上得最快，配两片干果曲奇，咖啡拉花！咖啡杯手柄及铁匙手柄扭曲，感觉新潮，卖相真的不错！咖啡味香浓，朱古力味反而唔太觉，可惜温度只系微暖！（我最憎嘅情况）两片干果饼干好薄好香脆，本来可以更好！若是温度啱的话。
冰鲜果茶：（$58）---鱼佬饮，一樽玻璃瓶装满鲜黄色杂果汁！连埋一个茶包，裹面有桔仔、热情果、菠萝等水果，酸酸甜甜，好开胃！另配一只玻璃杯，裹面有一角柠檬冰！色彩缤纷，非常夏天嘅感觉，消暑一流！
北极虾吐司佐茴香叶：（$63）---吐司上一堆沙律酱虾及一束新鲜茴香叶，伴有煎薯角及凯撒沙律，卖相亮眼，吐司香脆略硬，因为同鱼佬分享，要切开吐司都有点难度！北极虾本身无乜味，只系爽口，味道主要靠沙律酱及茴香叶嘅味道！幸好茴香叶一大束！味道清爽！反而拌碟嘅薯角煎得香，凯撒沙律生菜新鲜爽脆，沙律酱不会抢过生菜嘅味道！
咖哩牛腩佐法国面包：（$66）---一碗咖哩牛腩配四片法国面包！咖哩汁香浓，难得系带点辣！而家好多餐厅为迁就客人，好多都转卖日式咖哩！只有香而不辣！唔似食咖哩，牛腩只有肉无筋！牛肉味唔强但唔鞋！唔会食到成口渣！碗内仲有一大块薯仔！炆得好淋入味！法国面包唔干但外皮唔脆，可能放了一阵！配咖哩汁，味道都配，不过我较喜欢配长通粉！
草莓冰淇淋松饼：（$58）---甜品可以食完主菜后另上！一上枱已经好喜欢个卖相，可惜上甜品时已经八成饱！只可以食到一片窝夫！窝夫好厚身，一半脆口一半软绵绵，好似班戟咁，第一次见咁嘅窝夫，味道净食会淡，要配埋酸酸嘅士多啤梨甜酱及士多啤梨雪榚！又热又冻！感觉好强烈！但另一球好似系吉士酱嘅，我就唔系咁钟意！味道淡，一团粉！都系要靠个酱先有味！酱中有士多啤梨，新鲜爽口，呢个份量可以当一份主菜咁食！我哋食完主菜先食就太饱！
虽然有限时，但环境舒服，饮下咖啡倾下偈，感觉好relax,侍应殷勤但唔会感觉骚扰，食看完主菜会主动换碟食甜品，呢度主要后生女仔或拖友，一路食一路有人取票等位！亦有管理员投诉轮候客人阻住楼梯！要餐厅处理！走嘅时候人龙差不多到地下！呢度都系优闲倾偈一个好去处！
张贴
