影片
更多
2014-05-24
2437 浏览
系屋企附近新开一间小店,一直都好好奇想试试,终于揾日拉大队黎扫餐牌. 试过几次都觉得唔错,值得推介俾大家!!凉拌猪肚丝 - 刀功一流,洋葱丝配猪肚丝一样爽脆,唔错小食前菜.麻酱四季豆 - 够哂清凉,夏天小食佳品.金沙茄子 - 咸蛋黄唔会过咸,炸得唔油腻,必点!七味黄金粒 - 细细粒豆腐炸得外脆内软,亦系推介小食!椒盐鲜鱿 - 佢煎炸野做得唔错,椒盐亦好惹味. 另外我都会点椒盐九肚鱼,同样外脆内软!!避风塘猪手 - 炸得极香脆既猪手外皮令人又爱又恨,肉质无过咸,送啤酒一流菜色!!!虾籽柚皮 - 呢款传统菜已经冇几间做得好,呢度既绝对无苦涩味,又腍又无根,介绍俾好多老一辈都十分喜爱!! $48一件极之超值!!!酸菜鱼 - 又系另一道必点菜色. 少许微辣既浓浓鱼汤,每次必饮到见底. 鱼肉十分滑溜,仲有其他青瓜,薯粉配菜,每次都食到清碟!!鲍汁扣原只花胶扒 - $268又系超值,够厚身,鲍汁又好味,每次都一定加一份粗面捞埋啲鲍汁,人间美味!!!笼仔排骨饭 - 焗香过既排骨,配上炒过既香葱蛋饭,其实真系好好味,可惜好多时大家都已经好饱冇机会试.马拉糕 - 无人不赞既马拉糕其实系附送甜品,但极之松
凉拌猪肚丝 - 刀功一流,洋葱丝配猪肚丝一样爽脆,唔错小食前菜.
麻酱四季豆 - 够哂清凉,夏天小食佳品.
金沙茄子 - 咸蛋黄唔会过咸,炸得唔油腻,必点!
七味黄金粒 - 细细粒豆腐炸得外脆内软,亦系推介小食!
椒盐鲜鱿 - 佢煎炸野做得唔错,椒盐亦好惹味. 另外我都会点椒盐九肚鱼,同样外脆内软!!
避风塘猪手 - 炸得极香脆既猪手外皮令人又爱又恨,肉质无过咸,送啤酒一流菜色!!!
虾籽柚皮 - 呢款传统菜已经冇几间做得好,呢度既绝对无苦涩味,又腍又无根,介绍俾好多老一辈都十分喜爱!! $48一件极之超值!!!
酸菜鱼 - 又系另一道必点菜色. 少许微辣既浓浓鱼汤,每次必饮到见底. 鱼肉十分滑溜,仲有其他青瓜,薯粉配菜,每次都食到清碟!!
鲍汁扣原只花胶扒 - $268又系超值,够厚身,鲍汁又好味,每次都一定加一份粗面捞埋啲鲍汁,人间美味!!!
笼仔排骨饭 - 焗香过既排骨,配上炒过既香葱蛋饭,其实真系好好味,可惜好多时大家都已经好饱冇机会试.
马拉糕 - 无人不赞既马拉糕其实系附送甜品,但极之松软,已经唔多店做到咁既效水准. 所以每次食完朋友都大赞,仲有人要包走俾家人试添!!
最后要介绍靓仔又风趣既经理Ken哥!! (我被迫架....呜呜呜!!)
题外话/补充资料：
由于店舖无地毯吸音,所以人多时,大约7:30-10:00都会比较嘈. 但收凌晨三点,又免开瓶,最好就宵夜过黎,人少又可以慢慢坐.
(以上食记乃用户个人意见 , 并不代表OpenRice之观点。)
张贴
