NeNe Chicken (新都會廣場) (已結業)

今日收工谂住同朋友食炸鸡，一入到去，我同朋友都好有礼貌同𢴇枱个位讲唔该，个男仔有帮我地点菜但态度好差，好多食物都无啦，不过唔紧要，但个男仔个态度语气都十分之唔好，但都坐底左就算啦。之后到食物上黎仲过份！叫左一个二人套餐，有半份炸鸡，一份炒粉丝，一个拉面，好难得有一间餐厅系全部嘢都好难食！炸鸡有怪味，个拉面仲难食到摆唔落口，我自己系屋企煮都好食过佢！最激气嘅系个粉丝！佢地竟然拎只烂碟黎摆菜！你见到一点点以为系花纹？错啦！都系一个个烂左嘅窿呀！佢个粉丝摆到一pat嘢我都算啦，但你咁大个集团竟然会用个烂碟黎serve客！ 仲要态度差！不过依间餐厅嘅特别之处就系可以令到一个好肚饿嘅人食几啖已经可以无晒胃口，连饥饿感都无左。依餐仲要食左四百几，质素差又要受气！真系一粒星都唔想俾！依个餐厅令我特登开到ac黎写食评，就知有几难食！