影片
更多
2022-08-14
667 浏览
原先六月嘅庆生饭拖到而家😝又要就呢个就果个，跟住又接连有人中招，结果都系未齐晒人。都冇办法照食左先，横掂下个月会再食。其实都系象征式名义上庆生饭，其实都系一个藉口一家人出嚟食餐饭姐。选址由寿星女决定，其实都唔系就佢想食乜嘢，都系就老人家姐。一路都以为地点近观塘地铁站原来系近牛头角站多啲，不过话晒都系工厂区完全冇谂到呢度会有一间食潮州嘢重点系质素都唔算差性价比相当高一行八个人，就嚟九个啦🤫🤫响等齐人之际小姨甥仔好似好肚饿咁，所以食住前菜先，我推夹咗啲花生食点知食完之后佢话唔好食（因为唔系佢食开𠮶啲脆卜卜花生🥰😅笑死大家，到其他家庭成员到，佢叫人哋食花生话因为佢唔钟意食，再次引到大家哈哈大笑😂）我哋呢个家庭大部份主张宁愿嗌多唔好唔够饱，由细佬发板先嗌咗九样嘢，嗌到个侍应都觉得要停一停😨可能惊我哋食唔晒啦！我觉得呢个行为几好㖞又，唔好做大嘥鬼呀嘛！虽然结果我哋之后再嗌多咗两样嘢🫣人哋心谂你哋班死饿鬼。😝先来菠萝咕噜肉（寿星女话去到边都要嗌嘅咕噜肉🤪）、卤水鹅片、普宁豆腐、啫啫芥兰、上汤菜心、炸蚝饼、豆乳鸡同炸虾蟹枣。咕噜肉不过不失啦，卤水鹅片略嫌太薄身，普宁豆腐都系一般嘅菜式，当然蔬菜类亦都
一路都以为地点近观塘地铁站原来系近牛头角站多啲，不过话晒都系工厂区完全冇谂到呢度会有一间食潮州嘢重点系质素都唔算差性价比相当高
一行八个人，就嚟九个啦🤫🤫
响等齐人之际小姨甥仔好似好肚饿咁，所以食住前菜先，我推夹咗啲花生食点知食完之后佢话唔好食（因为唔系佢食开𠮶啲脆卜卜花生🥰😅笑死大家，到其他家庭成员到，佢叫人哋食花生话因为佢唔钟意食，再次引到大家哈哈大笑😂）
我哋呢个家庭大部份主张宁愿嗌多唔好唔够饱，由细佬发板先嗌咗九样嘢，嗌到个侍应都觉得要停一停😨可能惊我哋食唔晒啦！我觉得呢个行为几好㖞又，唔好做大嘥鬼呀嘛！虽然结果我哋之后再嗌多咗两样嘢🫣人哋心谂你哋班死饿鬼。😝
先来菠萝咕噜肉（寿星女话去到边都要嗌嘅咕噜肉🤪）、卤水鹅片、普宁豆腐、啫啫芥兰、上汤菜心、炸蚝饼、豆乳鸡同炸虾蟹枣。
咕噜肉不过不失啦，卤水鹅片略嫌太薄身，普宁豆腐都系一般嘅菜式，当然蔬菜类亦都系唔会超级高水准啦。
想讲讲个炸蚝饼，落单嘅时候侍应问我哋要煎定系要炸，佢哋话好难拣，结果拣咗炸。虽然食物嘅质素大家都赞口不绝，啲🦪都够足料，而且同出面食嘅有一啲唔同，真系有糯糯嘅感觉应该系木薯粉啦！不过下次可以试吓煎嘅效果应该冇咁热气添
豆乳鸡就系为咗屋企人里面有两个「好」鸡之人而叫嘅～一般般啦都系，不过其中一个攞啲汁黎捞左两大碗饭啰😜
炸虾蟹枣每样四粒，大家二选一，我就拣咗🦀️，因为好似少啲机会食到，更何况我本人对crab cake情有独钟🥰所以我觉得几好味，但系有人话另一间上环高档啲嘅仲好味啲🤔
基本上我都7788，临尾仲要加多一个煎两面黄同埋甜品反沙芋。呢啲传统潮州手工菜点都要试吓㖞！系出色嘅不过反沙芋实在太甜啦！
的而且确侍应相当有礼貌，响我入座嘅途中佢好细心咁提我地下有啲线凸起咗叫我小心啲行，又会善意提醒你嗌嘅份量！👍🏻
埋单八个人大概$1400 除开平均$200一位都唔使，系唔系物超所值呢😍
挂住食好多都冇影相📸️，净系影咗啲比较普通嘅菜式🤪自己亲身去试吓啦。
上汤菜心
15 浏览
0 赞好
0 留言
啫啫芥兰煲/普宁豆腐
17 浏览
0 赞好
0 留言
卤水鹅片
20 浏览
0 赞好
0 留言
张贴
