影片
更多
2021-10-22
189 浏览
过嚟食大闸蟹放题，大闸蟹系自己面前个蒸炉度蒸，一次蒸十几分钟，每次每人2只，不过佢蒸完一次蟹之后，会拖至少十几分钟先俾第2次蟹你，之后再蒸蟹十几分钟，再叫蟹，又系等十几分钟先上蟹，如是者，1个钟头只系每人最多食到4只，中间我地蒸住个餐嘅海鲜先，叫佢拎大闸蟹俾我地，佢地都系咁拖。我地知食蟹需时，所以已经拣咗3个钟套餐，店方突然埋单前1个钟话last order, 我地都未开始打边炉，啲蟹又上得咁慢，唯有放弃大闸蟹，转打边炉啦，啲和牛质素真系好麻麻，未见过咁瘦都可以叫和牛，其他料都系一般货色啦。最后埋单嘞，点知唔俾我用openricepay同现金劵，话大闸蟹餐唔用得，咁我仲有4个朋友食蒸海鲜餐，佢话𠮶张单就用得，不过用咗仲贵过唔用，用就畀1139蚊，唔用畀现金就1403蚊，佢地咁样做生意都得？！任食已经系咁拖时间，蒸完一转蟹要等十几分钟先再俾一转蟹你蒸，催极单都系咁慢，咁孤寒就唔好做任食啦，间铺冷气又差，态度又差，平嘢就好快上，贵嘢就拖好耐先上，拖到你都唔够时间食，black list!
最后埋单嘞，点知唔俾我用openricepay同现金劵，话大闸蟹餐唔用得，咁我仲有4个朋友食蒸海鲜餐，佢话𠮶张单就用得，不过用咗仲贵过唔用，用就畀1139蚊，唔用畀现金就1403蚊，佢地咁样做生意都得？！任食已经系咁拖时间，蒸完一转蟹要等十几分钟先再俾一转蟹你蒸，催极单都系咁慢，咁孤寒就唔好做任食啦，间铺冷气又差，态度又差，平嘢就好快上，贵嘢就拖好耐先上，拖到你都唔够时间食，black list!
大闸蟹
8 浏览
2 赞好
0 留言
张贴
