影片
更多
2023-04-29
560 浏览
一直都对源峰超大块嘅火炙和牛海胆寿司念念不忘！今次见到全新嘅吞拿鱼和牛飨宴，选用近江和牛，有齐刺身、蒸物、炉端烧、天妇罗、手卷同我心念念嘅和牛寿司，又点可以错过！餐厅由日籍厨师主理，坐拥著城门河同沙田石门靓景，更设有间隔嘅房间，好有自己嘅私人空间，系同朋友静静地倾下计嘅好地方。厨师发办 • 吞拿鱼和牛特选套餐 $980pp1️⃣前菜火炙吞拿鱼赤身｜吞拿鱼软滑鱼味岀，经火炙后更带焦香，配埋酸酸甜甜嘅红椒黄椒，几开胃~2️⃣ 刺身大吞拿鱼腩2种 ‧ 中吞拿鱼腩 ‧ 时令刺身｜两款厚切拖罗都好正！入口即化，脂香四溢！其中一款更兼具鱼味，油腻感唔会太重。中吞拿鱼腩隐藏系爽口生菜之中，第一啖咬落去好爆汁，鱼腩软滑，辣根汁同生菜成功增添左一丝清新感觉。时令嘅牡丹虾鲜甜软弹。3️⃣蒸物蒸蛋软滑，表面洒满日本小银鱼，略嫌蛋味较淡，容易被小银鱼香气盖过。4️⃣炉端烧A5近江和牛柳日本三大和牛之一嘅近江和牛！主厨以正宗炉端烧烤制，边边烧得焦脆之余唔干，肉质软嫩，中心位置仲好滑添~ 另附四款酱料：山葵、 辣萝卜蓉、酱油腌渍山葵、酱油脆脆，每款调味都唔会过重，特别钟意酱油脆脆，微甜丰富口感。5️⃣季节天妇罗沙锥鱼大大块，外层有别
一直都对源峰超大块嘅火炙和牛海胆寿司念念不忘！今次见到全新嘅吞拿鱼和牛飨宴，选用近江和牛，有齐刺身、蒸物、炉端烧、天妇罗、手卷同我心念念嘅和牛寿司，又点可以错过！
餐厅由日籍厨师主理，坐拥著城门河同沙田石门靓景，更设有间隔嘅房间，好有自己嘅私人空间，系同朋友静静地倾下计嘅好地方。
厨师发办 • 吞拿鱼和牛特选套餐 $980pp
1️⃣前菜
火炙吞拿鱼赤身｜吞拿鱼软滑鱼味岀，经火炙后更带焦香，配埋酸酸甜甜嘅红椒黄椒，几开胃~
2️⃣ 刺身
大吞拿鱼腩2种 ‧ 中吞拿鱼腩 ‧ 时令刺身｜两款厚切拖罗都好正！入口即化，脂香四溢！其中一款更兼具鱼味，油腻感唔会太重。中吞拿鱼腩隐藏系爽口生菜之中，第一啖咬落去好爆汁，鱼腩软滑，辣根汁同生菜成功增添左一丝清新感觉。时令嘅牡丹虾鲜甜软弹。
3️⃣蒸物
蒸蛋软滑，表面洒满日本小银鱼，略嫌蛋味较淡，容易被小银鱼香气盖过。
4️⃣炉端烧A5近江和牛柳
日本三大和牛之一嘅近江和牛！主厨以正宗炉端烧烤制，边边烧得焦脆之余唔干，肉质软嫩，中心位置仲好滑添~ 另附四款酱料：山葵、 辣萝卜蓉、酱油腌渍山葵、酱油脆脆，每款调味都唔会过重，特别钟意酱油脆脆，微甜丰富口感。
5️⃣季节天妇罗
沙锥鱼大大块，外层有别于一般天妇罗炸皮，而系用上七彩米通，香脆带米香。鱼肉软滑无乜骨，连鱼尾都食得。其余几款野菜天妇罗：野蒜、菇、茄子，炸皮相对较薄脆，茄子好爆汁
6️⃣葱吞拿鱼腩手卷
系可以自己DIY嘅手卷！加几多吞拿鱼、葱、萝卜粒、芝麻都可以自己话事。吞拿鱼口感软绵，鱼味浓又唔腥，仲保留左有少少鱼肉口感。饭粒分明，饱满又有咬口，越食越有米香，好想添饭
7️⃣火炙和牛海胆寿司
家姐呀妹最期待嘅一道！和牛超一大片，油脂分布平均，软嫩富肉汁，脂香肉味兼备，带炙烧香，配埋软滑海胆，幸福感满满8️⃣椀物
味噌汁超足料，有蚬、菇、萝卜、蒟蒻等等
9️⃣甜品
静冈蜜瓜香甜多汁，士多啤梨甜得黎，不失果香酸甜。
张贴
