壽司郎 (瓊華中心)

营业中

休息中

一月份嘅期间限定系「とろ祭り」拖罗盛宴，有唔同食材嘅拖罗食。 今次拣左去旺角店，旺角即系旺角，完全系爆炸地多人，下次都系去返另外果啲店。其实拖罗就唔系剩系吞拿鱼嘅～ 不过第一件事都系食左 厚切天然蓝鳍大呑拿鱼腩 同埋 极上厚切长鳍大呑拿鱼腩 先～ lol 以佢呢个价其实真系无投诉，特别系蓝鳍 真系抵食。 大盛天然黑鲔葱花吞拿鱼海苔包， 我一向都麻麻地佢地嘅海苔包，但系呢个算系几好。大切日本产油甘鱼腩，呢个都好食，好肉地油感都够。梳乎里海鳗，呢个就有点儿太油，啲油多到滴落只碟度。炸水牛芝士， 一贯寿司郎炸物嘅有水准，但系好少细份左啲明太子忌廉乌冬，有惊喜。 浓厚汤底，微辣紫苏香热辣辣食得过瘾～今个月 MVP 反而系 焙茶和风芭菲，佢地甜品一向出色都系，呢个真系令人更加挂住日本。