三希樓 (已結業)

有几位外国朋友仔黎香港旅行，作为地胆当然唔少得带佢地游山玩水，仲好神心一早book定枱同佢地食餐好。知佢地想试食辣野，同埋想体验下中华饮食文化精神，于是众人同游山顶后，我就带左佢地黎三希楼，仲按我之前要求比左间vip房我地。呢度好古色古香既装潢非常吸睛，令佢地好欣喜同兴奋，之后我就order左几道招牌菜比佢地试下，包括口水鸡、水煮鱼、樟茶鸭等等，食得出味道好正宗，用料都好靓，大家一边倾计一边狂食，非常尽兴。口水鸡用嘅香辛料层次丰富，麻同辣味都好平衡，唔会话其中一样抢左另一样，而鸡件亦好嫩滑，食完真系会令人口水直流！同班外国朋友仔解释呢道菜个名，佢地都觉得好funny~而水煮野生鱼可以话系呢度必食嘅招牌菜，佢哋有几种生猛活鱼供客人选择，例如东星斑、桂花鱼同龙趸咁，我哋就拣左好滑身嘅桂花鱼。入面嘅辣椒一D都唔简单，有齐子弹椒、贵州椒、云南椒同花椒，香、麻、辣味俱全，唔怪得有唔少名人同游客都慕名而来啦！见班朋友食得咁满意，就知道我既选择系无错既~