後宮 (已結業)

呢间餐厅装修有气派，整洁干净，有独立房间包厢俾一大班朋友聚会，亦有ktv设备可以边食边唱。首先，我点咗佢哋嘅招牌「海南椰子文昌鸡窝」，汤底上咗之后，倒入新鲜即开嘅椰青，清甜嘅椰青水令汤底升华咗，再放入新鲜鸡件煮熟。职员会帮我地计时，完全不用担心。首先第一啖一定系饮吓鸡汤先，呢个时候系最原汁原味，之后再食一口鸡件，鸡肉入口嫩滑，鸡味浓厚，吸收咗汤汁嘅精华，清香四溢🍗。接著，「美国prime牛小排」上枱，牛肉每片都够厚实，煮完后仍然多汁肥美，油脂丰富，而且份晒颇多🥩。而「鲜虾丸」亦都十分推荐，丸子鲜嫩有弹性，虾味鲜美。每一口都咬得到整颗鲜虾，真系令人惊艳。搭配啲特制酱汁，更加突显丸子嘅鲜味，简直系味蕾嘅享受之选🍤。