榮少喇沙

营业中

休息中

香港揾到好食嘅喇沙唔系咁容易，屯门竟然有间咁好食嘅喇沙，真系非常好，大家有机会嘅话一定要嚟试呀！烧鸡喇沙汤油面😋😋😋😋😋呢度嘅喇沙汤真系好香好浓，食得出系落咗好多香料，但系又唔会太咸，捞埋啲面好好食，食完一啖完全停唔到口，唔知系咪太好食，好似食几啖就食晒，唔系好够。烧鸡好香鸡肉好滑，仲好多件添。中间有啲蒜蓉，可以配嚟食，就更加香。烧鸡系贵啲嘅𩠌，但系我觉得同猪扒比起黎，烧鸡会抵啲，因为多啲，猪扒得一块，所以我都建议大家食烧鸡🤣🤣🤣猪扒芫荽浓汤米线😋😋😋😋今次嚟𠮶时，见佢出咗新汤底，系芫荽浓汤，我同朋友本身都好钟意食芫荽，所以就叫咗过嚟试吓，嚟到嘅时候我哋都非常惊喜，因为我哋本来以为芫荽汤底系平时出边食𠮶啲清清地嘅汤，点知一上嚟成碗汤都系青色嘅，果然系芫荽浓汤，味道亦都完全冇令人失望，我觉得芫荽味好浓，朋友就觉得可以再浓啲，但系我哋都好满意，芫荽控都值得一试呢个咁特别嘅芫荽汤底。猪扒就冇乜特别，都系平时食咁样。虾多士😋😋😋🦐🦐呢度仲有好多小食，都好吸引，我哋叫咗个虾多士食，点知原来好细件，不过都几好食嘅，下次会试其他小食。