影片
更多
2020-02-25
701 浏览
本身想打边炉，但朋友怕怕㖞，所以改咗去食烤肉🥩，其实咪一样哈哈。呢日唔想食任食𠮶啲，所以去咗喜来稀肉，贪佢大大份，肉质又唔差。之前嚟过一次，星期六晚排哂长笼，下面本身有个位类似酒吧咁俾人饮杯啤酒坐住等。但今日就无开，因为直接有位吧😊。嗌嘢食之前，餐厅就已经为我哋安排好前菜🥗，前菜有三款，我最钟意腌萝卜同青瓜𠮶碟，酸酸辣辣好开胃。泡菜我就无试到，因为朋友食得辣都话辣🌶。上次嚟都唔觉有套餐，原来有几款两人拼盘餐拣，包括壹头猪🐷、壹头牛🐮同埋韩牛拼盘套餐等。价钱由$420到$888不等，丰俭由人。牛魔王嘅我哋就要咗🐂壹头牛Beef Set($520)，当中包括五款牛，分别系喜来烤肉 、牛五花、特级牛颈、牛助骨肉同烤调味牛排骨。牛肉拼盘几澎湃，每款肉嘅份量都唔少，我哋留意到好搞笑地每款肉嘅数量都系单数😂。拼盘如果有多少少菜会好啲🥬。其中同餐厅同名嘅招牌喜来烤肉真系好好食😋！牛肉大大块，肉嫩；最精华所在就系佢个腌肉酱，少少甜得嚟，又够哂味，够味得嚟又唔得浓腻，好正。其次好食就系牛五花🌸，油份重、好香口，不过好易整到个铁板㶶咗；而牛肋骨同BBQ牛排骨都OK。牛颈肉我就嫌比较淡。套餐仲包醋饭团🍙八个
本身想打边炉，但朋友怕怕㖞，所以改咗去食烤肉🥩，其实咪一样哈哈。呢日唔想食任食𠮶啲，所以去咗喜来稀肉，贪佢大大份，肉质又唔差。
之前嚟过一次，星期六晚排哂长笼，下面本身有个位类似酒吧咁俾人饮杯啤酒坐住等。但今日就无开，因为直接有位吧😊。
嗌嘢食之前，餐厅就已经为我哋安排好前菜🥗，前菜有三款，我最钟意腌萝卜同青瓜𠮶碟，酸酸辣辣好开胃。泡菜我就无试到，因为朋友食得辣都话辣🌶。
上次嚟都唔觉有套餐，原来有几款两人拼盘餐拣，包括壹头猪🐷、壹头牛🐮同埋韩牛拼盘套餐等。价钱由$420到$888不等，丰俭由人。
牛魔王嘅我哋就要咗🐂壹头牛Beef Set($520)，当中包括五款牛，分别系喜来烤肉 、牛五花、特级牛颈、牛助骨肉同烤调味牛排骨。
牛肉拼盘几澎湃，每款肉嘅份量都唔少，我哋留意到好搞笑地每款肉嘅数量都系单数😂。拼盘如果有多少少菜会好啲🥬。
喜来烤肉
33 浏览
0 赞好
0 留言
其中同餐厅同名嘅招牌喜来烤肉真系好好食😋！牛肉大大块，肉嫩；最精华所在就系佢个腌肉酱，少少甜得嚟，又够哂味，够味得嚟又唔得浓腻，好正。
其次好食就系牛五花🌸，油份重、好香口，不过好易整到个铁板㶶咗；而牛肋骨同BBQ牛排骨都OK。牛颈肉我就嫌比较淡。
醋饭
22 浏览
0 赞好
0 留言
套餐仲包醋饭团🍙八个，呢个味道相对普通，而且饭团波比较细粒。
炉边可以煮埋蛋🥚，仲系无限追加添，可以同胆固醇做朋友哈哈。炉边蛋一边配泡菜、另一边配芝士，各有千秋！
套餐包两罐汽水，但我哋各自加咗$10要西柚汽水同蓝色柠檬水(原价各$35)。汽水比想像中细杯，但都够饮，而且有汽嘅嘢饮送烤肉真系好夹🤤。
总括嚟讲，呢餐烤肉都相当唔错，招牌喜来烤肉果然系最好食，下次嚟我一定会单点呢样！餐厅定价属中等水平啦，毕竟食肉都唔怕会饿，真系唔够饱都有好多饭类可以叫😉。另外，餐厅环境同服务都几好，眼见大部份店员应该都系韩国人，但都识基本广通话，而且好有交带，多次加蛋同换铁板都好快手。我哋食嘅过程到食完离开，个身都无一浸烤肉味，应该系餐厅通风系统几好吧👍。题外话，餐牌有个好好笑嘅位，就系话烤肉要用上大量气力，所以呢个任务要交俾👦🏻男仔主理🤣。
张贴
