餃子妹上海雲吞麵

营业中

休息中

成日路经过饺子妹都机会入去食吓野，今日决定晚饭外卖返屋企食，试食咗佢嘅招牌墨鱼饼菜饭，饮品方面决定试吓佢嘅酸辣汤。回到家打开盒，墨鱼饼大大块热辣辣香喷喷，墨鱼饼下面有一只煎蛋🍳，煎蛋下面就系菜饭，好有住家饭嘅感觉。大啖食一口，墨鱼饼入面有粟米粒，口感分明，配埋煎蛋同菜饭一齐食，感觉冇咁油腻，食晒墨鱼饼同煎蛋，仲剩返三份一只菜饭，但系个人已经饱到食唔落，最后将饭俾咗老公帮我食埋，下次都系要嗌小饭。至于酸辣汤，食到有酸同辣，但整体酸辣汤嘅味道一般，食完个碗底好多辣油，感觉好油腻。总括而言，呢间系一间经典嘅住家菜 食店，想食真香港味道嘅值得一试。