影片
更多
2022-12-22
2368 浏览
好耐无食过「乐天皇朝」嘅小笼包，咁啱今日有事要出嚟铜锣湾，晏昼就顺便过嚟吃顿午餐。餐厅嘅设计揉合了古代王朝气派同现代时尚风格，店内面积颇大，环境优雅，空间宽敞，配上中央嘅「莲花池」，装潢型格又不落俗套。一坐低，店员就随即送上一碟栗子花生作为餐前小食 ($15)，栗子圆润饱满、烹得粉腍又入味；而花生亦煮得不温不火，口感湿润，很讨人欢心。食物方面，先嚟一客原味小笼包 ($68/6pc)。小笼包即叫即蒸，送上时仍热辣辣，猪肉馅鲜甜无比，而且唔会一夹就穿，入口皮薄汁丰，唔使点醋都已经够晒味。跟住系一客萝卜丝酥饼 ($45)，件件都炸至微微金黄，外层嘅酥皮好松化，入面包住满满嘅萝卜丝，食落好 Juicy，既清甜又无渣，绝对系水准之作。另外呢客炸刀削小馒头 ($30) 味道亦很不错，啱啱炸起，新鲜热辣，外层香脆、包芯柔软，沾香甜嘅炼奶吃，挺滋味。上海生煎包 ($45) 个包底煎得很香脆，顶头撒了一些芝麻，一口咬开，外皮松软，入面嘅肉馅好鲜嫩，完全无膻味，吃时更会有肉汁不断滴出，十分抵赞！压尾再嚟多客扬州炒饭 ($93) 作结，大大碟、份量十足，而且用料好慷慨，有虾仁、叉烧、菜粒同蛋丝等。米饭粒
好耐无食过「乐天皇朝」嘅小笼包，咁啱今日有事要出嚟铜锣湾，晏昼就顺便过嚟吃顿午餐。
餐厅嘅设计揉合了古代王朝气派同现代时尚风格，店内面积颇大，环境优雅，空间宽敞，配上中央嘅「莲花池」，装潢型格又不落俗套。
一坐低，店员就随即送上一碟栗子花生作为餐前小食 ($15)，栗子圆润饱满、烹得粉腍又入味；而花生亦煮得不温不火，口感湿润，很讨人欢心。
食物方面，先嚟一客原味小笼包 ($68/6pc)。小笼包即叫即蒸，送上时仍热辣辣，猪肉馅鲜甜无比，而且唔会一夹就穿，入口皮薄汁丰，唔使点醋都已经够晒味。
跟住系一客萝卜丝酥饼 ($45)，件件都炸至微微金黄，外层嘅酥皮好松化，入面包住满满嘅萝卜丝，食落好 Juicy，既清甜又无渣，绝对系水准之作。
另外呢客炸刀削小馒头 ($30) 味道亦很不错，啱啱炸起，新鲜热辣，外层香脆、包芯柔软，沾香甜嘅炼奶吃，挺滋味。
上海生煎包 ($45) 个包底煎得很香脆，顶头撒了一些芝麻，一口咬开，外皮松软，入面嘅肉馅好鲜嫩，完全无膻味，吃时更会有肉汁不断滴出，十分抵赞！
压尾再嚟多客扬州炒饭 ($93) 作结，大大碟、份量十足，而且用料好慷慨，有虾仁、叉烧、菜粒同蛋丝等。米饭粒粒分明，软硬度亦啱啱好，够干身又唔油腻，美味。
张贴
