小鍋米線

营业中

休息中

呢间系由中学已经食开，系元朗系好出名，我身边既朋友都钟意食呢间。间舖系条小巷入边，位置完全唔起眼，不过就成日满座要等位，而且亦多外卖。店内空间都唔大、比较狭窄，得十零张细枱，难得今日平日下昼13：00去到唔洗等，直入有位。四个人，大家嗌唔同既𩠌同米线。招牌米线+南乳鸡件应该系最受欢迎既组合，$47，跟杯热饮。个汤底小辣，微酸，有好多配料，有鸡肉、菇、生菜、甜酸菜.......，真系好正！同出边既米线汤完全唔同，好好食~~蒜香鸡扒，南乳鸡件都新鲜炸起，好热好脆。鸡肉嫩滑有汁，不会太老、鞋。呢个价钱，咁大碗多料，算系抵。