篤篤車 (已搬遷) 新店位置

朋友推荐元朗笃笃车既鳄鱼汤底车仔面一定要一试，见今日放假，就去笃笃车试一试喇。下昼两点车去笃笃车时都算几Full， 但等左一阵已经好快有位。侍应好快手清干净张枱，又主动带位推荐野食，感觉几友善。$38车仔面包三样𩠌。招牌鳄鱼汤底当然要一试，朋友就另外叫左冬阴功汤面。招牌鳄鱼汤真系名不虚传，配料仲有好多红枣同杞子，入口好滋润。牛筋同金钱肚都几弹牙，卤水够入味。米粉面质软硬适中，配鳄鱼汤食简直系绝配😋。食面之余忍唔住不停饮汤，因为个汤实在系太正😂冬荫功汤河酸酸辣辣，十分惹味😋👍。配𩠌墨鱼仔同鱿鱼圈都好足料，又够爽口弹牙。