西貢金雞海南雞

营业中

休息中

今日聽同事講呢間海南雞好食, 平時lunch食嚟食去都係嗰幾樣, 於是去試下。舖頭外面招牌同裡面格格不入, 入到去得幾張枱, 冇裝修。海南雞飯分中、大size, 我order 咗一個中size, $39 一個飯送一碗中湯, 或一杯熱飲。 飯未到醬料先到, 然後到杯飲品, 不過好細杯, 比一般茶餐廳還要細杯, 隔一陣就上飯。 啲雞皮有毛, 雞肉都算ok嫩嘅, 飯係油飯, 不過硬硬地, 三十幾蚊都可以嘅, 不過相比其他餐廳, 我覺得其他餐廳好味過佢囉!其他人話好味, 但我食完呢一次唔會再去食喇。