可可豬海南雞專門店 (寶榮大廈) (已結業)

做完嘢諗住買埋外賣就返屋企，經過呢間食肆，招牌明明寫住可可豬海南雞專門店，但佢張單、舖頭裏面嘅大海報，以致比我嘅外賣餐具都係寫住另一個舖頭名，搞唔清咩關係，不過舖頭名都唔係緊要，質素先最重要嘛！作為海南雞專門店，佢大部份煮食都係雞，仲分標準和增量兩個價錢，細食既朋友就可以慳十蚊！第一次食梗係食個招牌菜，叫咗個特色椰香海南雞飯（標準$43 ），標準份量其實都唔少，飯量幾多，食得出不是一般白飯，唔知係咪落咗椰汁去撈、不過椰汁味又唔算好濃。雞件數目一般，雞都幾滑，再配埋沙律，成件事都好完整。貪心的我另外加$18要咗個滷水雞腎，份量都唔少，唔會太硬，滷水味夠入味，作為小食都唔錯。