源記喳咋 (已結業)

同朋友食完午餐之后，其实我就唔太饱，所以拉埋朋友食糖水。来到油麻地附近，知道源记喳咋都几出名，同朋友再战下午茶。合桃糊(冻) - 朋友叫左合桃糊(冻)，冻的合桃糊上面凝固左一层薄膜，个层薄膜比较浓味，要捞好再食会好D 。合桃糊味道几香，唔会太甜。喳咋(冻) - 当然要试驰名的喳咋，冻食都唔错，加埋花奶够香滑，而且都足料，有多款唔同的豆类，食完够饱又好味。值得一赞系冻的糖水都唔会话劲冰，反而系微冻，食得比较舒服。整体而言，虽然坐位唔多，价钱都唔算特别平，但中式甜品算做得唔错，推荐试下招牌喳咋。