豚之家豬排專門店

营业中

休息中

招牌炸猪扒、特浓沙嗲汤、手工拉面（$60）不愧为招牌菜，大大块无骨猪扒即叫即炸，啖啖肉，外脆肉嫩，一啲都唔干。沙嗲汤底够浓郁，带有少少花生味。拉面有咬口，唔糊口，而且份量几多。秘制煎猪扒、葱油拌、阳春面（$47）相对于炸猪扒，煎猪扒就略嫌失色少少。表面淡淡甜味，肉质没有炸猪那么软嫩，但亦不是嚡的。葱油拌面是即时落葱落油炒香再加入面捞匀，唔似坊间好多系面上面放上葱油自己捞（因为望到厨房即时处理），所以好特别香。阳春面幼身，亦都唔糊口，份量适中。手工菜肉云吞（+$10）两大粒，馅料足，多菜适量肉，调味亦不错，但云吞皮稍稍偏厚及无咩弹性。脆香盐酥鸡（+$10）约八九小粒，炸得酥脆。