木船泰國粉麵專門店 (已結業)

而家晚巿禁堂食，见咁耐无出街食，就拣间附近食泰国Lunch。Set Lunch有多种选择，就每人拣一个试。每个定食都可以选择配肉丸或冬阴功汤，另外有两个小食系炸鱼肉春卷同碎蛋沙律，仲有一细件的BROWNIE 做甜品。招牌焼豚肉饭（$78)呢个系店员推介，个饭卖相好正，饭面有一大堆调好味的青瓜沙律，酸酸地好开胃，青瓜亦可以解焼豚肉的油腻感，豚肉铺满饭面，烤得好香，豚肉的焼汁偏甜，好适合配饭，食食下先发现，原来豚肉下面仲有只温泉蛋，蛋黄汁加焼汁系捞饭嘅绝配。豚肉饭量都几多，男士十分适合。冬阴功凤尾虾汤河（$65)冬阴功汤好浓郁，辣较酸味多带少许甜，虾大大只又爽口，河粉几厚身，好有饱足感，河粉入面的菇同芽菜唔好漏咗啊，佢地吸收哂冬阴功汤。肉丸汤较冬阴功汤清淡，但有肉丸同札肉，冬阴功汤就同河粉个汤一样，如果唔系食冬阴功汤河，推介可以叫黎试下。餐饮可以加$5转青柠梳打，推介食招牌焼豚肉饭嘅可以叫青柠梳打，清爽嘅青柠中和肉的油腻，梳打系成支胜狮比你㗎，可以倒到两杯，好抵饮！另外加$10可以有泰式奶茶（只有冻饮），茶味浓但有少许甜，当然要饮泰奶先系完满的一餐泰国菜。