竹家莊

营业中

休息中

我第一次食竹家庄既时候，个脑已经系: 天呀! 好耐无食过咁好食既烧鸭配濑粉啦! 而家食左十几廿次之后既反应都仲系: 天呀! 真系好好食呀! 我无夸大， 我真心觉得呢一间餐厅既食物系好有诚意，对客人都好好。佢都真系唔会为左做生意，梗硬推介你食呢样食个样。个烧鸭濑粉既烧鸭系完全无碎骨，只有啲大骨，啖啖肉，好滑！我系度食咁多次都真系无失望过，每次都赞佢好好食，连出名既烧味店都唔会够佢好食。其实除左佢个招牌烧鸭之外，佢既炒蚬都好出色。佢豉椒炒大蚬超级鲜甜，只只粒粒都有豉椒味，超有镬气，真系唔好错过❤️而且我发现，堂食系劲多韩国人黎食，有啲都几好样🤩 想𥄫仔既话，都可以过黎顺便过下眼福，咁当然要满足自己口福先啦。