棋子燒鵝 (平田商場)

营业中

休息中

今日帮朋友攞啲嘢嚟蓝田，搞掂就过嚟平田商场食晏。心血来潮想食烧味，朋友推介 2 楼𠮶间「棋子烧鹅」。餐厅专营港式烧味，而家喺九龙区有 6 间分店，每间店都自设工场，烧味食品全部都系现场制作，保证新鲜！我哋点咗👇原只烧鹅髀濑 ($106)，烧鹅髀好靓仔，大大只，立立令，离远都已经闻到阵阵香味，非常吸引。鹅皮酥香脆口，鹅肉咸香适中，肉嫩而不干身，有肉汁和香料气息，配酸梅酱同滑溜的濑粉吃，风味十足。另外碟烧腩仔油鸡饭 ($53)  卖相亦非常诱人，腩仔皮脆肉嫩，肉质松软，入口完全没有猪膻味；油鸡滑捋捋，豉油味香而不腻，味道恰好，送饭一流！ 棋子叉烧 ($88/例牌)  叉烧半肥瘦，厚度适中，肉质松化，入口带点焦香，咸甜比例亦啱啱好，就算放耐咗肉质都唔会变硬，值得推荐。点烧味饭奉送咖啡或茶，转冻饮+$3。