澳門咖喱王清湯腩 (已結業)

当日系年初三，要揾地方食饭，又冇订枱，记起朋友曾经介绍过呢间舖头，打电话去问过有开，于是就去试下。舖头系一间小型嘅茶餐厅，位置比较隐蔽，可提供选择嘅小菜唔算多。不过我哋人数少，可以试嘅菜式亦有限。招牌清汤腩 一层切件嘅牛腩铺喺数件萝卜上面，再配以清汤。牛腩带有肥膏，好腍好滑，不过汤底就过咸，唔可以当汤就咁饮。以95蚊嘅价钱，份量就真系唔算好足。孜然爆羊腩 羊腩配以香草、中国芹菜同葱爆香，带有新彊菜式风味，但碟𩠌一啲都唔干。羊腩够腍滑，有颇浓郁羊膻味，香草味十足，超惹味。不过羊腩粒嘅件头就真系太细同太碎，唔多大体，加埋配菜，其实碟𩠌用嘅羊腩真系唔多。糖醋班片当日老板要同厨房确认下有冇材料先落单，以为佢真系咁认真，点知煮咗出嚟先发现碟班片原来系用龙脷柳嚟造。同其他𩠌菜一样，碟头偏细，啲所谓班片一样系切得好零碎，包埋炸粉都一样系咁细件，味道过得去。以88蚊嘅定价嚟讲，就真系…… 总括嚟讲，间店舖嘅招牌菜都几好味 ，不过以店舖地点，舒适度，𩠌菜碟头嚟讲，定价就有啲偏高。其实老板有冇谂过将啲材料切番大小小，坐喺隔离枱嘅都系大男人，真系惯唔惯食嘢好似啄下啄下咁。