上海真真豆漿大王 (已結業)

每次当我想食粢饭既时候, 我一定会去红磡呢间上海真真豆浆大王。佢地既粢饭 ($22) 劲大旧, 里面既油炸鬼够哂香脆, 仲有甜甜既肉松同唔太咸既榨菜, 用料十足, 仲系即叫即整, 所以食既时候仲系热辣辣。今次我仲叫多一个排骨粢饭 ($28), 用料都系一样, 再包住大大件既招牌炸排骨, 口感非常丰富, 饱足感十足。香炸鸡全翼 ($11/只), 鸡翼都系即叫即炸, 非常香脆惹味。炸上海云吞 ($25/5只) , 虽然外卖返到屋企冻左, 但个皮依然脆, 再配埋个酸甜酱一齐食, 感觉好开胃。热无糖豆浆 ($11) , 佢地既豆浆好浓郁, 豆味浓, 唔错。咸豆浆加鸡蛋 ($19), 第一次食咸豆浆, 感觉好新鲜, 呢碗材料十足, 有油炸鬼, 虾米, 炸菜同葱等等, 咸香之余又有浓郁既豆香味, 推介。