影片
更多
2018-01-14
648 浏览
今日难得友人放假，而我们又十分喜欢吃车仔面，于是到了这间砵砵车仔面尝试一下。幸好过了中学生吃饭的时间，店内人潮减退，一入到去，位置宽阔空敞，布置简单，挺干净企理。一坐低，店员便很快手地招呼我们入座，并介绍我们吃这里的招牌花胶碗仔翅，我们先点了一碗花胶碗仔翅（$30），再看一看这里的餐牌，这里的车仔面𩠌最少选择三款，净𩠌最低消费＄30，面底每款$8，𩠌的价钱分为＄14 、$10、＄8，价钱十分合理，另外仲有二人套餐，自家制即炸嘅饺子，有第一次见嘅自创白榨饺，同埋其他小食。我同友人都谂住留肚嗌多啲车仔面同埋食碗仔翅，于是冇嗌其他小食了。车仔面的面底选择与其他店差不多，共有六款，有：油面、幼面、粗面、河粉等等。汤底有六款，仲有少见嘅云南酸辣汁。而配料方面却有很多选择，张点单纸有成30款选择!! 我睇到𠮶时都吓亲，选择多到我嘅选择困难症又出嚟啦我和同行的友人都十分肚饿，最后我嗌了五个𩠌一面配沙嗲汁汤底，油面跟鸡翼尖、萝卜、咖喱鱿鱼、卤水猪肠、冬菇，全部都系经典嘅车仔面组合。友人就嗌左河粉配咖喱汁汤底，有卤水鸡翼、五香牛腩、五香牛筋、南乳腩肉同自创白榨饺。落完单好快就上咗碗花胶碗仔翅，上菜时配上
幸好过了中学生吃饭的时间，店内人潮减退，一入到去，位置宽阔空敞，布置简单，挺干净企理。
一坐低，店员便很快手地招呼我们入座，并介绍我们吃这里的招牌花胶碗仔翅，我们先点了一碗花胶碗仔翅（$30），再看一看这里的餐牌，这里的车仔面𩠌最少选择三款，净𩠌最低消费＄30，面底每款$8，𩠌的价钱分为＄14 、$10、＄8，价钱十分合理，另外仲有二人套餐，自家制即炸嘅饺子，有第一次见嘅自创白榨饺，同埋其他小食。我同友人都谂住留肚嗌多啲车仔面同埋食碗仔翅，于是冇嗌其他小食了。
车仔面的面底选择与其他店差不多，共有六款，有：油面、幼面、粗面、河粉等等。
汤底有六款，仲有少见嘅云南酸辣汁。
而配料方面却有很多选择，张点单纸有成30款选择!! 我睇到𠮶时都吓亲，选择多到我嘅选择困难症又出嚟啦
我和同行的友人都十分肚饿，最后我嗌了五个𩠌一面配沙嗲汁汤底，油面跟鸡翼尖、萝卜、咖喱鱿鱼、卤水猪肠、冬菇，全部都系经典嘅车仔面组合。
友人就嗌左河粉配咖喱汁汤底，有卤水鸡翼、五香牛腩、五香牛筋、南乳腩肉同自创白榨饺。
落完单好快就上咗碗花胶碗仔翅，上菜时配上左一支麻油。实物同个名真系一模一样真系好足料，大大碗，一碗已经够2人食，里面嘅材料都好丰富，有：肉丝、云耳、冬菇丝、粉丝，重点黎啦!! 系有足足三大件花胶，炆得够冧，十分厚肉，爽口，够晒粘，食完即刻觉得补充晒骨胶原，确实系真材实料，啖啖食到里面嘅配料，而碗仔翅个底唔会太重口味或浓味，清淡容易入口，更加食得出材料嘅原本嘅味道，加少少麻油更加香添，呢个花胶碗仔翅真系十分推介大家试吓，而且又唔贵，$30一大碗真系好抵，真材实料👍🏻。
之后我碗车仔面就上枱啦，油面份量超级多，男士们真系一啲都唔惊唔够食。我个汤底嗌左沙嗲汁，好浓沙嗲味，偏重口味，适合嗜沙嗲人士!! 而上面嘅配料令我最感到惊喜，分量超级多，个碗好似就来满泻咁，鸡翼尖有成八只，非常入味；萝卜有成三大件，够冧，十分清甜，重点系冇渣架；咖喱鱿鱼都有三大件，爽口，一啲都唔韧，抵赞👍🏻；冬姑有两大件，唔系平日细细粒𠮶只，十分厚实、爽口、香甜；不过讲到我最钟意食嘅都系呢度嘅卤水猪大肠，整得好好好入味、爽口又冧，处理得好干净，最怕系出面食到啲劲唔干净嘅猪大肠!! 不过喺呢度唔怕，好味道👍🏻👍🏻
而朋友个碗就嗌咗咖喱汁汤底，我就偷偷地都试左啖，甜甜地唔会过份地辣，适合唔食得好辣既人，𩠌有两大只鸡亦，朋友特别称赞牛腩入味同冧、牛根外爽内冧、南乳腩肉肥瘦均匀，另外仲有自创白榨饺，个味道好特别，里面好似有椰菜系入面，几好味。我试咗少少佢啲𩠌的确唔错，不过我都系比较钟意食经典车仔面𩠌
后尾仲嗌咗个郊外油菜（$15），味道正常
最后我哋每人各嗌咗一杯特色饮品，华田脆爆同埋奶茶脆爆，十分少见。华田脆爆的华田味道不会过甜，再加上 上面脆脆有一定的甜度，配埋一齐味道啱啱好。
奶茶脆爆都同样好味，奶茶够香，的确唔错👍🏻。
不过个人比较喜欢华田脆爆呢！
呢间车仔面食物味道同店员服务态度都唔错，效率都好快，几推介大家黎尝试一下
张贴
